Yevgen Sverstük
Sverstük Yevgen Oleksandrovıç (1927 s., dekabr 13, Volın vilâyeti, Sіltse k. — 2014 s. dekabr 1 künü, Kiyiv).
60-nci yıllarınıñ ukrainalı faalerinden biri, edebiyatşınas, dissident areketiniñ nümüneviy bir vekilidir.
"Ava yımşaması" denilgen devir müitinde şahsiyet olaraq şekillengen Yevgen Sverstük dissidentlik areketine 1950-nci senelerniñ soñlarında qoşuldı. 50-nci senelerniñ soñu - 60-ncı seneler devamında, ta 1972 senesinde apske alınğan vaqıtqace, SSRBde ukrain medeniyetiniñ diskriminatsiya yapuvına qarşı bir qaç kere narazılıq bildirgen edi. 1972 senesi yanvar 14 künü başqa ukrainalı "60-ncı seneler faalleri"nen beraberlikte yaqalandı. 1973 senesi aprel ayında "sovetlerge qarşı yapılğan propaganda ve agitatsiya içün" qattı nizamlı lagerlerde 7 yılğa ve sürgünlikke 5 yılğa mahküm etilgen edi.
1987 senesinde Ukraina külturologik klubınıñ teşkilâtçılarından biri olaraq, faal içtimaiy-siyasiy ayatqa qatıldı. 1989 senesinden başlap "Наша віра" ("Bizim din-imanımız") adlı gazetanıñ muarriri oldı, Ukrainadaki Avtokefal Pravoslaviye Kilsesiniñ ğayrıdan tiklenüvinde iştirak etti. Kene şu sene Ukrainalı mustaqil icadiy ziyalılar assotsiatsiyasınıñ başlığı oldı, 1993 senesinden 2010 senesinece PEN klubı Ukraina bölüginiñ prezidenti olğan edi. "Dekabr bir künü" adlı teşebbüsiy gruppasına 2011 senesinde qoşuldı.
Ukraina medeniyeti ve tarihınıñ çeşit taraflarına bağışlanğan çoqtan çoq kitap ve maqalelerniñ müellifidir. "Блудні сини України" ("Ukrainanıñ yol şaşırğan oğulları") adlı kitabı içün 1995 senesi T.G. Şevçenko adına mukâfatınen taqdirlendi. Bundan da ğayrı, 2000 senesi "Körneliu Köpos adına Milletlerara ve konfessiyalar arasındaki tolerantlıq içün berilgen" YUNESKO mukâfatına nail oldı, Ukraina devleti tarafından ordenlernen taqdirlendi.
Повне інтерв'ю читайте у книзі "Дисиденти".
